Ang "lightning bolt" na pag-aari ni Zeus, diyos ng lahat ng mga diyos, ay nawawala at ang tanging inaakusahan nito ay ang anak ni Poseidon, si Percy Jackson. Binigyan lang niya ito ng labing-apat na araw upang maibalik ang "lightning bolt" at kung hindi'y magkakaroon ng labanan sa pagitan ng magkapatid, si Zeus at si Poseidon.
Samantalang ang binatilyong si Percy ay bumisita sa "The Museum of Metropolitan of Art" kasama ang kanyang mga kamag-aaral. Inatake siya roon ng isang galit na halimaw na nagpapanggap bilang kanyang guro. Inilahad naman sa kanya ng kanyang kaibigan na si Grover na siya ang kanyang tagapagligtas kasama si Mr. Brunner at hindi siya pangkaraniwang tao. Siya ay kalahating tao at kalahating diyos. binigyan siya ni Mr. Brunner ng isang panulat na magsisilbi niyang sandata.
Dali-dali siyang punta sa bahay nina Percy upang puntahan ang kanyang butihing ina, si Sally. Magkakasama silang pumunta sa "Camp Half-Blood" kung saan siya magsasanay. Ngunit sa kasamaang-palad, inatake ni Hades ang ina ni Percy at nawala bago pa niya ito mailigtas.
Sa kampo, nalaman niyang si Grover ay kalahating tao , kalahating kambing at nakilala niya roon ang isang kabigha-bighaning dalaga, si Annabeth. Anak siya ni Athena. Naglaban si Percy at si Annabeth bilang pagsasanay. Nadiskubre niya roon na ang tubig ang kanyang lakas at kapangyarihan dahil noong nasugatan siya ni Annabeth, gumapang siya sa tubig at naghilom ang kanyang mga sugat. Inatake sila doon ni Hades at gusto nitong makuha ang "lightning bolt" mula sa kanya. Nalaman niyang buhay pa ang kanyang ina at ito ay nasa impyerno kasama ni Hades. nagdesisyon si Percy kasama sina Grover at Annabeth na maglakbay upang hanapin ang "lightning bolt" at sagipin ang kanyang ina. At upang magawa nila iyon, kailangan nila ang tulong ni Luke. Ibinigay nito sa kanya ang mapa at ang lumilipad na sapatos. Sinabi nitong madaling makapasok sa impyerno ngunit mahirap makalabas kaya kailangan nila ng tatlong perlas upang magawa iyon.
Ang unang perlas ay nakuha nila kay Medusa, ang babaeng isinumpa ni Athena at ang bawat matitigan nito'y nagiging bato. Ang ikalawang perlas ay nakuha nila sa rebulto ni Athena ngunit inatake sila ng dragon. Sa tuwing pinuputol nila ang ulo nito ay lalo itong dumadami. Natalo nila ito gamit ang tubig at naging bato ito ng itapat nila ang ulo ni Medusa. At ang ikatlong perlas ay nakuha nila sa "Cassino" kung saan muntik na nilang malimutan ang kanilang misyon dahil labis silang nalibang. Nang makuha na nila ang tatlong perlas, nagtungo sila sa "Hollywood", ang daan patungo sa impyerno.
Nakilala nila sila Hades sa impyerno at ipinaliwanag ni Percy na hindi siya ang nagnakaw ng "lighning bolt". Nabawi niya ang kanyang ina ngunit nalaman nila doon na nasa kalasag ni Percy, na ibinigay ni Luke, ang "lightning bolt". Nakuha ito ni Hades. Kinalaunan ay napasakay ito ni Stephanie, ang kasama ni Hades sa impyerno. Ginamitan niya ng “lightning bolt” si Hades at ibinigay itong muli kay Percy. Gamit ang tatlong perlas, nilisan nila ang impyerno kasama si Sally ngunit naiwan naman si Grover dahil kulang na ng isang perlas.
Nang makabalik na sila, nakalaban ni Percy si Luke, ang totoong may salarin sa pagkawala ng "lightning bolt". Ginamit ni Percy ang kanyang lakas at natalo niya ito. Nagtungo siya sa langit kasama si Annabeth upang ibalik ang “lightning bolt". Hiniling niya kay Zeus na ibalik si Grover. Nakausap din niya ang kanyang ama at naging maayos na ang lahat sa pagitan nila.
Sa huli ay inihatid na si Percy ng kanyang ina sa "Camp Half- Blood". Iyon ang lugar para sa kanya dahil doon siya nababagay. Masaya siyang pumasok doon. At iniwan na rin ng kanyang ina ang walang-puso nitong niyang kinakasama.
No comments:
Post a Comment