Ano kaya ang pakiramdam ng dumadalo sa "Juniors and Seniors Promenade"? Masaya kaya iyon? Ano kaya ang magiging itsura ko? Sinu-sino kaya ang magsasayaw sa akin?
Ayan ang ilan sa mga katanungan ko noong hindi pa ako dumadalo sa "JS Prom". Nakikita ko kasi noon ang aking kapatid kapag dumadalo siya dito. Ang ganda-ganda ng kanyang suot. At kapag dumarating naman siya ay nagkukwento kaagad siya.
Ngayong naranasan ko nang dumalo sa "JS Prom" masasabing kong masaya nga ito. Lalo na at kakaiba ang tema ng paaralan namin para sa taong ito (Hawaiian). Lahat kami ay obligadong magsuot ng Hawaiian na damit. At katulad ko, masasabl ko ring pinaghandaan ito ng mga guro at ng mga kamag-aaral ko. Maganda at kakaiba ang "venue" dahil sinunod ito sa tema. Marami ngang nagsasabing pakiramdam nila ay nasa Hawaii sila. Kakaiba rin ang mga kanta, lalong -lalo na ang mga "love songs" na mararamdaman mo talagang mula sa puso. Mayroon ding inihandang mga kanta at sayaw, gaya ng "fire dancing" na talaga namang nakakaaliw at ang pinakagusto ko sa lahat ay ang pagsasayaw ng mga guro namin. At kahit gabi iyon ay hindi ako nakaramdam ng pagkaantok.
Ang karanasang ito ay hindi ko malilimutan. Masasabi kong isa na rin ito sa aking mga kayamanan na kahit kailan ay hindi mananakaw ng sino man. Labis akong nagpapasalamat sa Diyos dahil binigyan niya ako ng pagkakataong makasali dito.
Umaasa ako na sa susunod na taon ay makasali ulit ako dito.
No comments:
Post a Comment